ក្រុមសមាជិកសមាជិកាព្រឹទ្ធសភា ប្រចាំភូមិភាគទី៤ បានចូលរួមអមដំណើរសម្តេចវិជ័យសេនា ទៀ បាញ់ ក្នុងពិធីបុណ្យផ្កាប្រាក់ និងសម្ពោធ អាគារសាលាអនុគណ ក្រុងសៀមរាប
នៅរសៀលថ្ងៃទី១២ និងព្រឹកថ្ងៃទី ១៣ ខែមេសា ឆ្នាំ២០២៣ ឯកឧត្តម សួន លន់ អនុប្រធានក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម ឡៅ ឆន ឯកឧត្តម សត ណាឌី លោកជំទាវ ឯម ផល្លាមនី បានចូលរួមអមដំណើរសម្តេចវិជ័យសេនា ទៀ បាញ់ ក្នុងពិធីបុណ្យផ្កាប្រាក់ និងសម្ពោធ អាគារសាលាអនុគណ ក្រុងសៀមរាប ក្នុងវត្តទេពពោធិវង្ស ហៅវត្តថ្មី ស្ថិតនៅក្នុងឃុំស្លក្រាម ក្រុងសៀមរា ខេត្តសៀមរាប។ ថវិកាដែលប្រូមូលបានក្នុងពិធីបុណ្យនេះមានចំនួន១១១លានរៀល និងជាង ១៦០០០ដុល្លារសហរដ្ឋធអាមេរិក ដើម្បីវេរប្រគេនព្រះសង្ឃបន្តកសាង សមិទ្ធផលបំរើព្រះពុទ្ធសាសនាឱ្យកាន់តែរីកចម្រើនតទៅ។
